萬聖節快樂

沒有任何節目慶祝, 但一家3口都玩得樂也融融.

 

 

同爸媽HEA

今天放假同爸爸﹑媽媽往深圳HEA. 首先去番上次肥安﹑亞燦去的推拿中心, 之後去大飽口福吃自助餐, 然後去JUSCO買我地D心水貨品, 回家不用10:00PM, 正, 有下次架.

 

 

重陽節看早場

今天沒有去登高, 但是去左睇早場-阿童木. 套戲都好好睇, 二個小朋友笑住出戲院.

 

 

花園街執荀貨

今天約朋友行花園街, 買了3套仔女睡衣, 29.9元/1套, 超抵, 冬天唔怕凍lor

冰河世紀睡衣

小仙女睡衣

三個公主睡衣

小白鷺餐廳bbq

今天又join左路德會中心攪的一天遊, 都是我同女女去玩(真偏心女女-ha ha), 也是join埋pallas一家3口去玩. 天氣好好, 有風. 今日行程好hea, 好爽. bbq任食, 又有車載去, 120元/1個超抵la. 之後二個同學仔做手工及跳彈床, 又見到有人結婚及好多人玩水上單車. 2位小朋友更加唔放過餵羊的時候, d羊有大有細, 好得意架.下次有機會都會來這裏玩及bbq.

 

 

 

 

幼兒園第1次的親子旅行

今天天氣好好, 是仔仔幼兒園舉辦的親子旅行及家長會, 地點是錦田鄉村俱樂.我叫工人整好食物及飲品. 之後去學校聽講座1小時, 10:15分開始乘旅遊車到目的的. 仔仔只顧玩, 沒有吃太多食物. 他餵羊/白兔, 玩電動小型單車, 玩其他同學的足球/吹波波及飛碟等. 回程不到2分鐘便睡着了.

 

 

 

 

往大水坑踏單車

趁今天天暗暗, 一於吃過早餐後去踏單車. 我地搭43x往大水坑踏單車. 車費合共40元2部車任玩, 但仔仔踏一陣又話疲倦, 故此加多10元換大車玩一小時, 玩左大約3小時就去吃下午茶, 好彩回到荃灣先落雨. 應允女女下次玩耐d.