三日二夜的優閒嘉輝會之旅-Part I

第一天:

今早老公話同奶奶﹑姑奶飲茶, 之後才48X再轉KCR到羅湖, 過關好順利. 但等搭去嘉輝會的車要等45分鍾(慘). 大約2:20左右回酒店, 我選了歐陸式房間.個房大, 都好正. 吃過午飯後(金港茶餐廳),之後同仔女去波波池玩, 佢地玩左1個多小時.之後回酒店洗澡, 因為佢地玩到濕晒, 然後去吃晚飯勁(湛江雞飯店)。

第二天:

今早吃過早餐後, 決定住多一晚及轉日式房間, 嘩, 日式好好, 起碼有2個浴室, 方便二個小朋友浸浴, 之後便往成功嶺, 個場好大, 但沒有太多遊人. 第一站必定是二個小朋友騎馬, 40元/3個圈, 女女在沙圈, 仔仔在路外一大個圈, 佢地好開心. 之後玩小型GAME, 如碰碰車/PLANE/電動車等. 之後去拍照及玩水上單車, 最後就再玩多一次騎馬. 今次叫老板打折, 原價130-半小時, 現在150/2個小朋友, 每人20分鍾, 完全滿足他們的要求, 大約3:30回程. 之後去肥仔記燒鵝王吃午飯, 好食過昨日個間雞.應該今晚都會再去. 老公同仔仔小睡2小時, 大約6:30再去肥仔記吃晚飯, 然後去超市掃飲品及小食回港, 今晚我自己睡SOFT(因為得一張大床﹐驚4人睡過迫), 看倒數節目才睡.

第三天:

今早只得我和女女吃早餐, 老公話44元太貴, 唔去吃, 佢同仔仔在房間. 下午10:35分CHECK OUT, 但只有11:50分車, 故此我地最後再去超市掃平貨. 之後架車大約40分鍾到LO WU, 然後我地好順利過關, 之後搭48X回荃灣(2:40PM)

歐陸式房

日本式房